$260 DIY 扎染 渔夫帽+Tote Bag 平过你买

2020-06-03 评论 587
话咁快夏天就已经过咗一大半,未叹够阳光与海滩,想继续将蓝天白云留喺身边?可以试吓近年兴起嘅 扎染 ,$260玩齐文青渔夫帽+Tote bag,包材料包教识你,染出独一无二嘅随身物,色彩缤纷五颜六色又得,一片蓝天文青路线亦得,得咗!

$260 DIY 扎染 渔夫帽+Tote Bag 平过你买

扎染 主要以布料为主,基本上所有布製品都可以染色,不过当然最好係用白色底色啦,如果唔係 扎染 嘅时候就会受底色影响,未必染到想要嘅颜色。今次嘅工作坊,提供T恤、裙、环保袋同渔夫帽选择,同时亦鼓励大家将自己嘅旧衫带嚟 扎染 ,咁就可以旧衣新着,既方便又环保。

$260 DIY 扎染 渔夫帽+Tote Bag 平过你买

唔想日日对住灰濛濛嘅天空,所以记者今次决定自製一个蓝天,将渔夫帽 扎染 成蓝色,咁就可以去到边都抬头望到蓝天啦!

步骤1:褪浆

由于衣物表面通常有一层锁色嘅「浆」,所以要先褪浆,咁先可以上到色。

$260 DIY 扎染 渔夫帽+Tote Bag 平过你买

步骤2:扎

扎法普遍分为3种扎法,分别係螺旋、条状同埋云石,摺完之后用橡筋扎好定形。3种扎法都好简单,不过喺染色时云石就比较难拿捏喇。

$260 DIY 扎染 渔夫帽+Tote Bag 平过你买
云石扎法

步骤3:染

扎染 嘅颜色主要以3原色为主,可以喺上堂之前话定畀导师知想要咩颜色,定佢预先準备好。呢部分最难嘅就係颜色配搭,由于染料会渗色,所以如果将几种类似嘅颜色一齐染,就可能会沟埋变成一种色。

$260 DIY 扎染 渔夫帽+Tote Bag 平过你买

步骤4:加热

由于工作坊时间有限,所以会将作品加热,减少锁色时间。

$260 DIY 扎染 渔夫帽+Tote Bag 平过你买

步骤5:洗走多余染料

染料含有锁色剂,所以即使用水沖都唔会甩色,只会沖走表面上多余染料。

$260 DIY 扎染 渔夫帽+Tote Bag 平过你买

完成!

只要等佢乾返,呢顶独一无二嘅「 扎染 蓝天」就完成喇!

$260 DIY 扎染 渔夫帽+Tote Bag 平过你买

试玩报告:

扎染 最难就係控制颜色,即使好似记者咁只係落咗一只色嘅染料,出嚟都会有深浅不一。另外,落色嘅时候要记住染料会渗开,所以就算染事前记者刻意留咗少少白位冇染,到最后都几乎成顶帽变咗蓝色,由蓝天白云嘅幻想变咗海洋嘅感觉,不过一样咁靓。

但係呢个正正就係 扎染 最特别之处,未到最后,你都唔会知自己嘅製成品係咩样,而且即使用同样方法去染,出嚟嘅效果都可以好唔同!

$260 DIY 扎染 渔夫帽+Tote Bag 平过你买工作坊价目表T恤 + 环保袋$300T恤 + 渔夫帽$320裙 + 环保袋$340渔夫帽 + 环保袋$260

Ready To Dye

地址:观塘兴业街19-21号明生工业大厦6楼B

电话:91691529

Facebook:Readytodye